لا تقطفي. .بقلم الشاعر. .صبحي ياسين

ليه بتدارى حُسنك فيكى
خلى الشمس تبوسها عنيكى
قلبى انا حاضن صورتك فيه
ياللى نجوم الليل حواليكى
************************
قلبى أنا صابه من الحرمان
جرح وهجر وعاش توهان
عدى بنظرة وُطلى عليه
لحسن ياختى يصيبه جنان
******************************
رقة وخفة وشعرك سايح
عقلى اهو راح والقلب اهو سارح
عينك قادرة يا مُهرة ياشاردة
حتى رموشك سهم وجارح
******************************
تعبتى القلب وراكى سعات
حايلك عاشقك وف ضلعك بات
وتقلك كان صنعة ومزاج
حتى الكلمة قابلها سكات
***************************
لمى فروع الشوق من جنبك
وابدرى حبه جوه ف قلبك
يطرح شوق ونسائم خير
نجمع طرحة ونعيش فرحة جوه ف زرعك
ابو وســــــــــــــــام
********************
سامى أبو الغيط