قصيدة : (( جارى البحث عن قلم ))
خايف أكتب لحسن قلمى يكون مقصوف
عايش عمرى موتى فى جلدى ومش مكسوف
هيا حقيقتى ولا هدارى خوفى بخوف
نفسى أرفرف ويا جناحى نعلى نطوف
نفسى تفتح عينى العامية تاخد أيدى لبر الشوف
كنت باحسس وانا باتلصص قوتى حلالى وانا مكفوف
كنت بهلل وانا باستهبل كنت بنافف كل خروف
درت فى ساقية راحت باقية تدور فى
فسادها كانوا رابطنى ما أنا الحلوف
أغنى وأطبل أبكى أولول يحير حالى ماهوش معروف
مش من حقى أدلى برأيى قلبى يرفص
وأنا مكتوف
قالى اتحرر سجنك سجنك قلت أدهول
هيا ظروف
ظرف زمان إنك متكبل ظرف مكان إنك مخطوف
عينى عليا يا ضى عنيا أوعى تشوفى
مش هتشوفى إلا الخوف
مش هتشوفى إلا الخوف
مش هتشوفى إلا الخوف .
