لا تقطفي. .بقلم الشاعر. .صبحي ياسين

ردى على رائعه الشاعر الكبير صلاح جاهين
الله يرحمه........

يخرب شيطانك ياجدع..!!!!
وسط الغلا قادر تعيش
ماشى وراضى بقسمتك
زى الأسد  ما بتنحنيش
الجوع بيهرى ف معدتك
والفرحه فيك ما بتنتهيش
....................
يخرب شيطانك ياجدع....!!!!
الصمت فيك غلب الكلام
ماشى ودارس سكتك
استاذ كبير من غير علام
الحق  سابق   خطوتك
شاقق بنورك ف الغيام
.....................
يخرب شيطانك ياجدع... !!!
رغم الألم دايما سعيد
بتودع الحلم اللى غاب
وتملى تبدأ  من  جديد
الظرف عمره مايكسرك
مع انه يوم كسر الحديد
.....................
يخرب شيطانك ياجدع... !!!
شعرك بيجرى ف الوريد
بيداوى قلب اللى إتوجع
وطول حياته كان وحيد
وب  كلمه  منك  إنتفع
وعاش حياته من جديد
عمى صلاح  شاعر جدع
وحبى  ليه  دايما  يزيد
ف الدنيا عمره ما إنخدع
وبعلمه كان دايما يفيد

...................

.....بقلمى محمد ثروت عبد الحفيظ