قصيدة بعنوان........ الحوت الازرق
توت.... توت
قطر صغنتوت
كنا بنلعب بيه
ف الحاره
قبل مايظهر
لينا الحوت
وب نتمرجح
تحت الشجرة
على كرسى
صغير مربوط
وأما الحوت
الأزرق جانا
فرمط عقلنا
عاش ويانا
وإحنا فتحنا
ليه البيوت
لعبه غريبة
فكرها شارد
وبتسحرنا
زى المارد
واللى بدعها
مش مظبوط
توت....توت
إلحق إبنك
بات مرصود
لما تلاحظة
مش مبسوط
إوعى تسيبه
ياخده الحوت
صاحبه وإعرف
فين أوجاعه
قبل ماينجح
يوم ف خداعه
وإرسم للحريه حدود
توت ....توت
خربوا بيوتنا
بكل جحود
فكر صهاينه
وصار موجود
عالم سافله
وزى الدود
تلقى هدفهم
وف أحلامهم
كل مافينا
ياصاحبى يموت
توت......توت
إوعى ف لحظه
تعيش هلفوت
حدد هدفك
وإمسك قلمك
ده الخير لسه
أكيد موجود
وإن يوم جالك
عكر حالك
بكره الفرحة
ف يوم هتعود
كلمات الشاعر محمد ثروت عبد الحفيظ