حيّرْتِني
أيامْ هواكْ حلْوِ وْجَميل
زيِّ النسيمْ صافي وْعَليلْ
وايَّام جفاكْ صعْبِ وْطويلْ
حتى الكلامْ بينا قليلْ
والله ْ حيّرْتِني
حتى بْلقاكْ غلّبْتِني
هواكْ دهْ إيهْ قولْ لي بقى
جنّهْ و}نعيمْ ولّا شقا
قلبي الْوَفي دايمًا معاكْ
مُغْرمْ بِحُسْنكْ وُبَهاكْ
والروحْ كمانْ واللهْ فِداكْ
لو حتى كانْ حُبَّكْ هَلاكْ
يا نورْ عُيوني ليهْ كدهْ
هوَّ الغرامْ بالشكلِ دهْ
حبِّ وْحنانْ منْ غيرْ حُدودْ
بَعدو بْزمانْ هجرِ وْصُدودْ
والله الْغرامْ عِندك عجيبْ
ده انتَ العذولْ وانتَ الحبيبْ
حتى الملامْ زادْ بِالدلالْ
والوصلِ أصبحْ شيءْ مُحالْ
ازَّايْ هعيشْ عنَّكْ بَعيدْ
والقلبِ منْ غيركْ شريدْ
ده انت الحبيبْ ليَّهْ الوَحيدْ
وانتَ النصيبْ بسِّ العنيدْ
د. أسامه مصاروه
