اه لو نرجع تانى صغار
نرسم فوق ورق كراسنا
مينا وليها ألف منار
اه لو نرجع تاني صغار
نمسك تانى ف إيد بعضينا
من غير خوف من بكره الجاي
ماشيين فى طريقنا بكل براءة
ولا نحسب امتى ولا ازاى
اه لو نرجع تانى صغار
نبنى بيوت م الرملة جميلة
ونزرع جوه سوارها الأرض نجيلة.
نزرع شجرة تطرح مليون ورده جميلة
اه لو نرجع تانى صغار
كنا صغار
جوه مدينة كبيرة وخضرا
عمر ما شافت أي حصار
كنا صغار
لما سمانا الصافية
كانت نورها ينور
كل مدينة كأن نهار.
نفسي كنت تبقي معايا صغير
تبقي صاحبى تبقي صديقي
اللى عمره فى يوم متغير.
نفسي كنت معايا بتكبر
والأحلام تكبر ويانا اكتر وأكثر
نفسي يرجع طعم الأكل فى بقى
زى زمان زى السكر.
بعد ما بقى اليوم كل شئ
فى الفم ممرر.
نفسي كل مشاهد عمري
تيجى تانى تتعاد ومعاك تتكرر