لا تقطفي. .بقلم الشاعر. .صبحي ياسين

بكوا الناس ولا ضحكونش
آه يا زمن فيك الناس بكوا ولا ضحكوش ..
هى ناسك يا زمن بنى آدمين ولا وحوش ..
وليه الضعيف فيك عن نفسه مش قادر يحوش ..
يا زمن فيك نزلت دموع عنينا ....
ولا فى يوم يا زمن حنيت علينا ...
عايشين فيك ولكن مش بأدينا ..
أقسى كمان وحلى حزنك بينا ..
ليه فيك الضحك رايح وناسينا ..
خلاص يا زمن الهم هدنا ..
وكبرنا فيك كتير عن سننا ...
وأخدت كل شىء حتى مننا ..
والبسمه غابت كمان عن وشنا ..
يا زمن فيك عايشين غلابه ..
تجرح فينا ونقول مجرد سحابه ..
أتضح أننا فيك عايشين فى غابه ..
وتتهنى بيك بس الديابه ...
ليه الدموع منك هى نصيبنا ..
الفرح يعدى والحزن هو اللى يصيبنا ..
حتى فيك خسرنا كل حبايبنا ..
صدرى منك خلاص ضاق ..
محدش فيك عنده وفاء ...
يا زمن براحه على الناس شويه ...
الناس غلابه ومشتاقين للحنيه ..
يا ريت يا زمن كان فيه حاجه بأديه ..
لكان حد طلب ولا أترجى فيا ...
يا زمن فيك كل شىء خلاص مابحبوش ..
ده الناس بكوا فيك يا زمن ولا ضحكوش ..
خلاص يا زمن الوحوش ....
بقلـــــم: عـــــادل الشــــــهـــابى
Like