ﻣﺒــﺮﻭﻙ ﻋﻠــــﻴﻚ
ﺑــﺪﻭﻥ ﻣﺎ ﺗﺤﻜــﻲ ﻣﻌــﺰﻭﺭﻩ
ﻭﻋــﺎﺭﻑ ﻣﺎ ﺑﻴــﺪﻙ ﺷــﻲ
ﺃﻛﻴــﺪ ﻳﺎ ﻏﺎﻟﻴــﻪ ﻣﺠﺒــــﻮﺭﻩ
ﺑﻜﺘــﺐ ﻟﻴﻚ ﺑﻘــﻮﻝ ﻣﺒــــﺮﻭﻙ
ﺗﻌﻴﺸــﻲ ﻣﻌﺎﻫﻮ ﻣﺴـﺮﻭﺭﻩ
ﻭﺗﻨﺴﻲ ﻫــﻮﺍﻱ ﺳﻨﻴﻨﻲ ﻣﻌﺎﻙ
ﻭﻻ ﺗﻄــﺮﻳﻨﻲ ﻓﻲ ﺍﻟﺼــﻮﺭﻩ
ﻭﺃﻓــﺮﺣﻲ ﺇﻧﺘــــﻲ ﻭﺍﻷﻳــﺎﻡ
ﻣﻌﺎﻱ ﺃﺣﺰﺍﻧــﻲ ﻣﻘــﺪﻭﺭﻩ
ﻭﺻﻠﺖ ﺃﻗــﻮﻝ ﺃﺑــﺎﺭﻙ ﻟﻴــﻚ
ﻟﻘﻴــﺘﻚ ﺇﻧﺘــﻲ ﻣﻘﻬـــﻮﺭﻩ
ﻭﻣﺎ ﺫﻧﺒــﻚ ﺇﺫﺍ ﻗﺼﺒــــــﻮﻙ
.
.
ﻭﻻ ﺧﺘــﻮﻙ ﻓﻲ ﺍﻟﺸــﻮﺭﻩ
ﻭﺣﻜﻤـﻮ ﻋﻠﻲ ﻫﻮﺍﻧﺎ ﻳﻤــﻮﺕ
ﻧﻌﻴﺶ ﺍﻟﻔﺮﺣــﻪ ﻣﻬﺠـﻮﺭﻩ
ﻭﺃﺷــﻮﻓﻚ ﺑﻲ ﺯﻓﺎﻑ ﺍﺑﻴــﺾ
ﻭﻣﺎ ﺧﺎﺗﻴﻨﻲ ﻓﻲ ﺍﻟﺼــﻮﺭﻩ
ﻭﺭﻏﻢ ﺟﻤــﺎﻝ ﻣﻼﻣﺤﻚ ﻟﻲ
ﻣﻼﺣــﻆ ﻛﻨﺘــﻲ ﻣﻘﻬــﻮﺭﻩ
ﺗﻈﻬــﺮﻱ ﻓﻲ ﺑﺮﻳﻖ ﺳﻨﻚ
ﻋﺸﺎﻥ ﻣﺎ ﻳﻘﻮﻟﻮ ﻣﺴــﺮﻭﺭﻩ
ﻣﻌﺎﻱ ﻣﻬﻤﺎ ﺗﺪﺳﻲ ﻫﻮﺍﻙ
ﺑﺮﻳــﻖ ﺍﺣﻼﻣﻨــﺎ ﻣﻨﺸــﻮﺭﻩ
ﺃﻣــﺪ ﺇﻳــﺪﻱ ﻭﺃﺳﻠﻢ ﻟﻴــﻚ
.
.
ﻭﺍﻫﻤﺲ ﻟﻴﻜﻲ ﻣﻌــﺰﻭﺭﻩ
ﺃﺷﻮﻑ ﺍﻟﺤﺴﺮﻩ ﻓﻲ ﻋﻴﻨﻴﻚ
ﺗــﺮﺩﻱ ﺑﻨﺒــﺮﻩ ﻣﻘﻬــــﻮﺭﻩ
ﻳﺒــﺎﺭﻙ ﺭﺑــﻲ ﻓﻲ ﻋﻤــﺮﻙ
ﻭﺗﺴﻜﺘﻲ ﺣﺎﺳﻲ ﻣﺠﺒﻮﺭﻩ
ﻭﻳﻦ ﻛﻠﻤــﺎﺕ ﻟﻘﺎﻧﺎ ﻗﺒﻴــﻞ؟؟ !
ﻭﻳــــﻦ ﻭﻧﺴﺎﺗﻨﺎ ﺑﻲ ﻗﻮﻟــﻪ ? !
ﻭﺗﻔﻀــﻞ ﺇﻳــﺪﻱ ﻓﻲ ﺇﻳﺪﻙ
ﺑﺘﺮﺟــﻒ ﺇﻳــﺪﻧﺎ ﻣﺰﻋــﻮﺭﻩ
ﻭﺃﺑﺎﺭﻙ ﻟﻲ ﺳﻌﻴـﺪ ﺍﻟﺤﻆ
ﺣﻴﺎﻩ ﺯﻭﺟﻴــﻪ ﻣﺴﺘـــــﻮﺭﻩ
ﻭﺃﺷﻮﻑ ﺍﻟﺪﻣﻌﻪ ﻓﻲ ﻋﻴﻨﻲ
ﻭﺟــﻮﻩ ﺭﻣﻮﺷﻲ ﻣﺤﺼـﻮﺭﻩ
ﻭﺃﻗﻴــﻒ ﻟﺤﻈﺎﺕ ﺃﻋﺎﻳﻦ ﻟﻴﻚ
ﻣﻼﻣﺢ ﺫﻛــﺮﻯ ﻣﻨﺛــﻮﺭﻩ
.
.
ﺗﻔﺎﺻﻴﻞ ﻗﺼﺘــــــﻲ ﺍﻟﻜﺎﻧﺖ
ﺣﻠﻴــﻞ ﺃﻳﺎﻣﻨﺎ ﻓﻲ ﻃــﻮﺭﻩ
ﻭﺣﻠﻴــﻞ ﺍﻟﺤـﺐ ﺯﻣﻦ ﺑﻲ ﺧﻴﺮ
ﺑﻴﻨﺘﻬﻲ ﻗﺼــﻪ ﻣﺴــﺮﻭﺭﻩ
ﺧﻼﺹ ﺍﻟﻠﻴﻠﻪ ﺳﺠﻨــﻮ ﻫﻮﺍﻱ
ﻭﺣﻜﻤــﻮ ﻋﻠﻴــﻨﺎ ﻳﺎ ﺯﻭﻟــﻪ
ﻧــﻮﺩﻉ ﻓﻲ ﺍﻟﻐــﺮﺍﻡ ﻧﻈﻠـﻢ
ﻗﻠﻮﺑــﻨﺎ ﺍﻟﺪﻳــﻤﻪ ﻣــﺰﻟﻮﻟـﻪ
ﺃﺳــﻮﻕ ﺍﺣﻼﻣﻲ ﻟﻲ ﺟﻮﺍﻱ
ﻣﻊ ﺃﺷــﻮﺍﻗﻲ ﻣﺄﺳــﻮﺭﻩ
ﻭﺃﻓــﻮﺕ ﻟﻤﻦ ﺩﻣﻮﻋﻲ ﺗﻘﻴﻒ
ﻋﻠﻲ ﺧﺪﻱ ﺍﻟﺤﺰﻳﻦ ﺻﻮﺭﻩ
ﺃﺧﺎﻑ ﺗﻠﻤــﺢ ﻋﻴــﻮﻧﻚ ﻟــﻲ
ﺗﻐﻠﺒــﻚ ﺩﻣﻌــﻚ ﻣﺠﺮﻭﺭﻩ
.
.
ﺃﺳﺎﺑــﻖ ﻓﻲ ﺧﻄﺎﻱ ﺍﺑﻌــﺪ
ﻭﺃﻗــﻮﻝ ﻭﺍﻟﻠــﻪ ﻣﻌــــﺰﻭﺭﻩ
ﻭﻣﺎ ﻳﺸــﻔﻖ ﻋﻠﻲ ﻗﻠﺒــﻚ
ﻣﺶ ﺍﻷﺣﺰﺍﻥ ﺩﻱ ﻣﻘﺪﻭﺭﻩ
ﺑﻌﻴﺶ ﺑﺎﻗﻲ ﺍﻟﻌﻤﺮ ﺫﻛﺮﺍﻙ
ﻭﻋﺎﺭﻓــﻚ ﻛﻨﺘﻲ ﻣﺠﺒـــﻮﺭﻩ
ﻗﺪﺭ ﺑﻴﻤﺸﻲ ﻓﻴﻨﺎ ﻇــﺮﻭﻑ
ﻭﻛﻠــﻮ ﻣﻦ ﺍﻟﻠــﻪ ﻣﻘﺒــﻮﻟﻪ
ﺳﻨﻴﻦ ﻗﻀﻴﺘﺎ ﻛﻨﺖ ﻣﻌـــﺎﻙ
ﻗﻠﻮﺑﻨﺍ ﺍﻟﻠﻴﻠﻪ ﻣﻜﺴﻮﺭﻩ
ﻧﻜﻮﻥ ﺑﺲ ﻋﺒﺮﻩ ﻟﻠﻌﺸﺎﻕ
ﻣﺠﺮﺩ ﻗﺼﻪ ﻣﺸﻬﻮﻭﻭﺭﻩ
.