عيد ومدارس
والغلبان غلبان مش وارث
ياللى فى ايدكوا الحل قلولنا
تهنا وتاهت منا حلولنا
يا تضمولنا الشتا عاصيف
يا تخلولنا اكتوبر مارس
مش عايزين لا فراخ ولا لحمه
مش عايزين غير حبة رحمه
كل منانا فى عز الزحمه
حد يكون بالغلبان حاسس
يجى العيد مانحسش عيد
ولا تغير ولا اى جديد
مش ناقصين مشاكلنا تزيد
ولا نتحمل اى كوارس
لبس مدارس مع مصاريف
والا هدوم العيد يالطيف
نعمل ايه والدخل ضعيف
نعمل ايه ومنين هنمارس
ابو وديع
