لا تقطفي. .بقلم الشاعر. .صبحي ياسين

الشاعر الغنائي مسعد ابوهمسة

قـــال
خدعــوك فقالــوا أنك نجــم الليل والمــوال
-----------------------------------------------
تفـــرح بالفيديو اللي أتصــور وقـــوام يتذاع
في بنات عريانة بتتهور عايشين في ضياع
وتقـــول أن الــدنيا دي غابة ومليانة سباع
وأزاي بتقول فني رسالة يارسول خـــداع
وتملي بشوف فنك هابط علي هذا الحــال
خدعــوك فقالــوا أنك نجــم الليل والمــوال
---------------------------------------------
النجم ده فوق السما ساطع عالي وبـعيد
ولو أنت يانجم نورك قـاطــع , فنـك مايـفيد
أيه فايدة غنوة بتعملها , علي طول بتموت
وكـلماتك مين يستحملها بـعـلــو الـصــوت
لـو كنت عملت شريط مــرة أخــده الـزبـال
خدعــوك فقالــوا أنك نجــم الليل والمــوال
---------------------------------------------
بالـفـن الهــــادف متعنـا وبـلـحن زمــــــان
كلمات الغنوة لها معني وبصـوت كـــروان
وأعذرني لو كل كلامي جه علي الأوجاع
أنا أملي تكون فنان تسعد بيك الأسمــاع
مش عايز أشوفك بتغني علي ده المنوال
خدعــوك فقالــوا أنك نجم الليل والـمــوال
---------------------------------------------
بقلم مسعد أبوهمسة