هو صحيح القاهره 30 لساها راميا ظلها
علي كل احلام السنين
ولا د مره في عمرها
وعمنا محفوظ
اختار لنا محفوظ
اتريه د كان محفوظ
جوه النفوس وفي حلمها
يركب في موج العهر ويعدي
ولا تنفع شفاعه عنده ولا يهدي
ايه المشكله والمعضله اني اكون محفوظ
العيشه عايزه كده والرزق مش مضمون
وظروفي خلتني كده ابقي كده قرني
ومكاني تحت الباشا
لقمه جاتوه وبغاشه
واتاري من وقتها
الاغلبيه في نفسها
تطلب تكون محفوظ
ايه يعني لما ابيع
وابدل المواضيع
وادخل قصور النعم
بحاضر اكيد وبنعم
ونعيقي يبقي نغم
يتقال عليه محفوظ
قلع الولد جلابيتو
ولبس بسرعه البنطلون
والسلطانيه مكانها الراس وطبعا بنفس اللون
وفتح القميص للاخر
ما هو خلاص من الاخر
اصبح لنا محفوظ
وبعد شد الحماره
عرف يسوق طياره
ولف نص السما
علي حل للمشكله
ازاي ينسي الناس
اسمه كده محفوظ
وفي قلب مولد السيده
درويش بينادي باعلي صوت
اصحوا بقي يا خلق
كفياكم شخير في النوم
الظلم مهما زاد
طالع نهار بيزوم
وفي ايده سيف الحق
يلحق رجال بتعوم
يرفع في موج الشقي
وتعود سنين وتعود
ولا يوم يكون محفوظ
ولا يوم نقول يا حظوط
محفوظ د حاله يأس
والدنيا تكبس كبس
علي اللي نزل راسو
ورضي يكون محفوظ
لسه الرجال بتعوم
وبتنجد المظلوم
وبكل همه تقوم
تمد ايد للمنتظر
يسبقها مليون خبر
يعلن صلاه الفجر
ومعاه صلاه ميت
علي كل اللي كان محفوظ
ولسه القاهره 30
بتمدنا بالطين
نستنا يوم حطين
ونسينا ليالي السمر
واحنا القاهره 20
عده يدوب تسعين
ولسه كده محفوظ
صارم حصاد بساتين
وبيفصل القوانين
وبيجمع الملايين
كان عندنا ملك
دلوقتي بقي محفوظ
في كل حته سلك
وكانه باب محفوظ
اخترته ليه يا نجيب
مفيش حروف هتجيب
نوبل هنا من تاني
ولا عاد يعود حطين
ولا حتي علاء الدين
والسندباد يا جميل
اتنفي بايد محفوظ
خلص الحوار يا كرام
معدش فيها كلام
واللي بيحي ضميره
من ربه كده محفوظ .
اسامه صبحي محمد
29/10/2015
