(مئة)......ميت قناع
خلاص كفاية
كدب وخداع
كل اللي كان
شاريكى يا دنيا باع
بتمثلي على مين
كلنا عارفين
إن ليكى ألف وش
وميت قناع
الناس الطيبين
كانوا فيكى مخدوعين
ومن قلبهم حاسين
إن طريقك ضياع
وبيكدّبوا روحهم
وبيداروا
رغم جروحهم
كلمة وداع
كان صعب عليهم حقيقتك
تتلوني بطريقتك
وراضيين بيكي من غير اقتناع
بس على مين هـــ تمثلي
و مين هــ يسمحلك تكملي
مسلسل الأوجاع
كانت نهايتك معروفه
وبقيتِ للكل مكشوفة
على أيه بقى مكسوفة
دا نهاية الصراع
خلاص كفاية
كدب وخداع
بقلمى/
احمد محمد