ما تسأليش
~~~~~
ما تسأليش عن قلب عاشق
و عمر ضايع بين أديك
ما تندميش بكره فاكر
و النهارده مش ناسيك
ما تقوليش إن الزمان
ما فيه أمان و مال عليك
و كل طير لازم يهاجر
في غروب شمس الأصيل
كنت ليكي زي شمعه
ضيها بيضم ليل
هب ريح الهجر بينا
ضاع و تاه الحلم بيك
قلبي كان دبيح يرفرف
م الألم و هان عليك
كنت بحلم بيكي ديما
و حلمي كان معاك رخيص
كان صريح العمر ماشي
و الأيام مش رح تعود
الصمود في نار هواكي
و الألم فوق الحدود
رح يفوت العمر يجري
و كل ذكرى ما تتنسيش
مهما كان في بكره خوف
و الألم ما ينتهيش
زي قيس لما حب
عشق عاش في حضن موت
و زي يونس كنت بغرق
شفت خوف في بطن حوت
أنتي آه و ألف صرخة
مسجونة في جوف السكوت
ما تسأليش عن حلم
أخرس جوه مني
ملوهش صوت
رح يموت علي درب هجرك
كل جرح ما تسأليش
اسرقي مني الأماني
و ارحلي ما ترجعيش
رح اعيش على ضي ذكرى
و الألم ما يهمنيش
~~~~~~~~~
بقلم / رمضان العلالقة