آخر وداع
---------
قالت خلاص الصدق ضاع
والكذب زاد والكل باع
مكتوب علينا سنين ضياع
الحب كان عندك صراع
-
قال ليه يكون اخره الدمار
والبعد بينا يكون قرار
الهجر ايه غيركاس مرار
ولا دا كان نصب وخداع
-
قالت خلاص منه الكلام
وماعاد يفيد بينا الملام
انا عارفه انه اكيد حرام
لكن خلاص امرك وشاع
-
كام مره قلت كلام يادوب
ولغيري قلته ومال قلوب
واما بعاتبك قلت اتوب
لكن دا امرك اصله ذاع
-
معنى يكون قلبك كبير
انه يكون عمران بخير
مش دنجوان وجبان وزير
عامل قلوب الناس متاع
-
ارجوك خلاص انسى اللي كان
وانسى الزمان وانسى المكان
الحب بينا دا كان هوان
أخرتها لازم مـ الوداع
--------------------
بقلمي
الشاعر هشام عوض
الاحد
25 - 10 - 2015م