انا اللی جوایا ألف جرح
وكل جرح و لیه حکایة
ماشي عکس طریق الفرح
والدمع بس فاضل معایه
ما ترد یا بحر دمع قولی
مین لسه باقی وفاضلی
غير ألامی ساکنه کلی
وإنت بدأت تمل منی
ألف اه مع ألف یااااااه
سرقتنا من بعض الحیاه
كل طریق ولیه منتهاه
إشمعنى طریقي
حد عایش حیاته لغيره
بیحب یوفی بكل ضميره
مش عارف آخره ومصيره
والعذاب تملی حااااضنی
مشوار طویل وسکه صعبة
من المرار عشقنا الغربة
مكتوب علينا یابحر الفرقة
وقلبی على اللی منی واکلنی
بعد سنین شقی وع الفاضی
لسه برده صابر وراضی
كل الناس قطعت ودادی
بعد ما أخدت خیری منی
ألف صبح وألف لیلة
وكل لیله تطول بلیلة
بس والله لیالی اصیلة
كانت مع دمعی تصاحبني
مليون حکایه ویا القمر
هو اللی علمني السهر
عمر نوره مایوم یتقدر
لكن صعبت عليه إکمنی
انا حد عایش جوا میت
سکوتی كتير کلماتی قلت
عینی راسیة ونني اتشتت
مستنی سهم الغدر یصیبنی
و ادی موجه یابحر جایة
جایه وشایله معاها العذاب
ما كفايه بقي جراح یا دنیا
انا قلبی من الحزن داااب
موج بیعلی بدمعه سایلة
حالفه تدفنی بین التراب
أنا قلبی یا بحر كافر
أصبح حته من الصخور
لسه عایش لسه بعافر
لحد مایجی علیا الدور
أيوب راح وبعده أنا صابر
بلملم فی حلمي المكسور
أصلي عنید وبقول قادر
جبل هموم وكمان مغرور
نفسی تنساني مره یابحر
وتنسی انی لسه شاریک
بین سما ومیه أنا صخر
وبرده عمال أجاری فیک
ارحم سنين باقیه من العمر
وخلینی أآمن مره لیک
تعبنی الموج من کتر الغدر
ولسه برده انا صابر علیک
انا اللی جوایا ألف جرح
