مفارق
مفارق مفارق خلاص نويت أفارق
دي نهاية الطريق وصلت للمفارق
مفارق الحبايب والأهل والخلان
مفارق المحابر والريشة والألوان
مفارق غصب عني
ياللي إنتوا حتة مني
كان الود ودي
أطير معاكوا أغني
عصفور مالهوش ريش
إزاى يقدر يطير
وعشان طبع التعالب
المكر فيها غالب
راصده أى طير
ماهوش قادر يطير
وحتى إن كان له ريش
ازاى يقدر يعيش
عشان كل الجوارح
مالين كل المطارح
وهو طير ضعيف
نحيل العود كفيف
مش شايف أى خاين
الغدر فى عينه باين
عشان كده العصفور
مفارق غصب عنه
وسايب إللي منه
لحد نور عنيه
مايرجع تاني ليه
ويقوى تاني عوده
وريش يتغطى بيه
بقلم طارق السيد