هرتله
هرتله !!!!!!!!.. لا مش هرتله او هلفطه او هلوسه او حتى دروشه
بتورينا الحياة من بين سطور نعيشها صح وبلاش نعيش فى الاوبئه
ونشوف الشجر والحياه اسرع وبلاش نعيش مع ناس خطاهم مبطئه
نفسك تعلمينا نطير ونكون معاهم فى السما ونبعد عن النوايا السيئه
بيتنا جميل ليه عاوزين تهجروة وانتم محسودين وعليه بتاخدوا التهنئه
قفصكم حبس متيجوا معايا نشوف الحياة ونمارس الحريه ونملى الرئه
انتم فاهمين إنه قفص ولو مشغول بماس حيكون سجن من نفس الفئه
تعالوا إرتاحوا على صدرى والمسوا قلبى واهدوا واعرفوا معانى التدفئه
العمر واحد وحنعيشه حتى لو ضربناه فى عشرة او قسمناه على مائه
محمد عبد الحميد