لا تقطفي. .بقلم الشاعر. .صبحي ياسين

ومعديين
شايلين على كتافنا السلاح ومعديين
رايحين على سكة كفاح ومصممين
حالفين لا نرجع بالصباح متبسمين
ونقول ياكل الدنيا شوفى
هما مين واحنا مين
فرح التراب من فرحنا
لما اختلط بيه دمنا
حلفت ماتغرب شمسنا
غير واحنا راجعين منصورين
ومصممين نرجع بتارنا
ولاهمناش سكة قدرنا
لسه ف حلوقنا مرارنا
ولايمحهوش صبر السنين
---
همس الشاويش ف ودانى همسه
الساعه كام ؟
2 وخمسه
ماجتش ساعة الصفر لسه
والا احنا كنا موهمين
اصبر ياصول الساعه جايه
اما عرفت ان هيى جايه
من فرحتى دمعت عنيه
قدمت ساعتى مرتين
هتف الشاويش الله اكبر
ورفع اديه وفضل يكبر
يلا بقى دا الصبر مرر
ياسينا ليكى مشتاقين
وقف الجنود يدوا التمام
مين اللى يعرف الساعه كام
صرخ الشاويش صرخة بألام
طلعنا قبليها بيومين

محمد الروبى