لا تقطفي. .بقلم الشاعر. .صبحي ياسين

يـــــوم الفرج..... يوم الفرح
في ليلة عتمة هجم كلب على خضرة وقطع لها الفسـتان
وانجرح قلب الصبية ولحمها قدام كل العيون صبح عريــــان
لبست خضرة طرحة سودا وراحت تتداري ورا الحيـــــــطان
وراحت تنادى ابنها لكن ابنها كان متـــــــكتف ورا الـجـدران
ضحك الكلب اللي بقي ديب ابنك المسكين في سجنه جعان
حبسه خسيس غبي خرب البلد وقعــد على تلـها سـلـطــان
وقامت خضرة وقالـــت في غربتك يابن بطـنى شرفي اتـــــــهان
والله لافك سجنك واحط في مكانك وفي سجـــنك الســــجان
وقام الوحش يصرخ و شرفك اللي طول الزمان متـصـــــان
لاخد بتارك واغطى لحمك بلحمى من كل ديـب ســعران
ونده وقال الله اكبرمن كل قلبه زلزل بيها اركان الزمـــــان
وسمعها الديب العويل هرب الجبان بين الجـــبال حيـــران
وقعد يكلم في نفسه هوده اللي قلت عليه ضعيف غــــلبان
في الاصل وحش كاسربيطلع من جوه قلبه حمم بـركــــــان
اصحى يا كلب صهيون ده بن مصر وهو خير اجناد الـزمـــــــان
ياويلك لو مسيت كرامته يشرب من دمك الزفريا جـبـان
يامصر قومى ابنك رجع يرجع اسمك للعالي زي ما كان
ولا يوم حيطمع فيك كلب من تاني ولا حيكون اللي كان
محمد ابو الفتح