طيب اعمل ضريبه علي بينام
وعالينا ماتخافشي
اصل احنا من جوعنا مابنمشي
اعمل كمان على العطشان
النيل بيجري ويحود يبعد عن الغلبان
طيب ضريبه ع الرقص وتعلي الضريبه
كل ماحته تبان
أقولك اعمل ضريبه لجعان
لانه بيحسد جاره الشبعان
والشبعان خد منه لانه فجعان
ياعم براحه علينا ضريبه
واحنا حافيه رجلينا
اعمل ضريبه على عيالنا ودروسهم الخصوصيه
بين درس ودرس راح الاضافي والمهيه
ياسيدي اعمل ضريبه ع الحرميه
وقولهم يخفوا علينا شويه
نفسي افهم اللي مسافر هايحوش عندك ليه
والضريبه عن بلده قاطعه رجليه
اعمل ضريبه ع الفول النابت
وعلى كل من سبكه بالطماطم
وكتر الهم علينا والملاطم
سؤال مرتبي احوله لدولار ولا طماطم
ماهيا ب١٢ والدولار ب٨
وماتنساش تجابلي مستشار يعلمني
اخزنها صلصه ولا صحيحه
اعمل گمان ضريبة سكوت
على كل قريب مريضه بيموت
في مستشفى حكومي
من غير لا زفه ولا نقوط
ع الارض راميينه ولا تمرجي حتى عليه يفوت
وكمان على اصحاب العجول(العقول)
فكرهم غبي زيهم زي العجول
وكل واحد عنده عجل مريحه ومريح العجول
واللي يهز راسه من غير تفكير دلدول
من هموم بلدي باكتب