عشان تقدر تشوف بكرا
لازم فكره
تهد الخوف
وتتعلم
ولازم توفي وتسلم
طبيعي إنك ح تتألم
فلا تخاصم
ولا تطمع
ولا تهرب ولا تخدع
ولا تقطع صلة رحمك
ولا تمشي فى طريق وحدك
ومين ساعدك فى وقت الشده
غير راجل
يكون همك ومن دمك
وأخلاقك
سلاحك ضد أعدائك
ولو منك
ومين فى الدنيا غير أمك
ح تحزن لو بعيد عنها
ولو ساعه
وبكرا ابنك ح يتجوز
ح ينسى الأب والطاعه
يا صاحبي الدنيا خداعه
ومين عارف
نهايتك ايه
ح تحلم بالأمان
سلم
وحاسب لما تتكلم
لحد الموت
ح تتعلم
بأن القوة فى الوحدة
وصاحب اي حد أمين
ولازم تستعين بالله
ومين غير ربنا يعينك
وحقك تبني وتعمر
ف ح تشمر
عن ساعدك
ح نيجي كلنا نساعدك
عشان أخلاقك الطيبه
هروبك من مشكله عيبه
وحب النفس دا مصيبه
ح تكره كل أحبابك
فلا تكذب ولا تتغر
ولا ترضع فى ثدي المر
وعيش الدنيا بالبسمه
عشان تطرح جناين حب
وليه اللعنه
ليه السب
وليه نشتم
ح نخسر لو نعيش ع الذم
فاحزر ذنب
عصيانك
فلا تسمع لشيطانك
ولا تنكر لحد جميل
ولا تزرع فى ارضك شوك
ولا تسرق ف وزن وكيل
فصاحب كل جيرانك
وعيش بالود والمعروف
عشان تقدر تشوف بكرا
لازم فكره تهد الخوف