أنا الأعمى
واميل علي إيدك الناعمة
وابوسها بشوق
وأكون محني
ففجأاااة عنيكي تلمحني
تاخدني لفووق
ف حضن براح
واقولك ضمي دفيني
ده لاجل أرتااح
ولاجل بجد إني أعيش
ابوس إيدك ماتبعدنيش
يأمي بجد عن حضنك
ده ف ضلوعك
بشوف الصح يندهلي
بعدت كتير أنا عنك
فانا أسف ده من جهلي
ياوحشاني وانا معاكي
أنا تايه اوي بعدك
ف جنة ربي هلقاااااكي
لأن بجد انا مواعدك
رسالتي جاية م الدنيا
هتستلميها ف الجنة
كاتبها ليكي من دمي
وواخده الشكل م الحنة
رسالتي ناقصة بس حروف
لكن قربت أكملها
هانفذ كل ماقولتي
وصيتك عمري ماهملها
واطلع
أبني ده دكتوور
واطلع بنتي محامية
ولما بجد ده يحصل
هتبقي رسالتي منهية
وهابعتلك شعاع من ضي
وأقولك ياما وحشاني
وهبقي سعيد بأن انا جي
وهبقي معاكي م تاني
.