لا تقطفي. .بقلم الشاعر. .صبحي ياسين

تسـاؤل

يا هل ترى فيه يوم هنعود ؟
نحلم بجدار الزمن الستر
المليان فيض
ضحكه فى عيون البحر
تمد لأبعد شط
ترقُص على دَقة ساعة المغرب
ساعة القمر الساكن حرف الكون
ما يقرب ..
يقعُد ريح البحر
يرقُب مَلَس الشمس
و هوه بيتجرجر على تحت
يطلُق فى السماوات زغروته
و يهز ستايرى المفروده
يتسرسب من بلكونة الأوضه

و يقعُد ..
على صوت كروان
بيغيب و يدندن
و الجو ملان بروايح
النعناع المتحضَّن باكواب الشاى
و احنا بنُلضُم عُقد حكاوى امبارح