آآآه يا أغلى الناس يا أمي
................................
بعدك مالي دنيا يا أمي
يا اللي بحبك كنتي تضمي
وعليا بحنية تسمي
كنت في حضنك
بنسى أنا همي
وإنتي بحنانك بتضمي
آآآه يا أغلى الناس يا أمي
مين من بعدك راح يواسيني
ياللي بروحك دي بتحميني
وبحنية بتضميني
يانور عنية وحشتيني
من إيدك أنا دوقت الشهد
ياللي ماليش من بعدك حد
وحيلي من الدنيا إتهد
والله آآآه موجوعة بجد
نفسي في بسمة
من شفايفك
ولا نظرة من عنيكي
قد إيه محتاج حنانك
و لا لمسة من إيديكي
كنت بشكي وتسمعيني
ولما أبكي بتواسيني
ومهما أحكي أو أقول
ومهما الزمان يطول
من بعدك ضاعت خطوتي
زادت آلامي ووحدتي
وبقيت وحيدة في دنيتي
ودموعي هي صاحبتي
ألف رحمة عليكي يامة
من بعدك الدنيا ضلمة
ألف رحمة وألف نور
قبرك روضة من الزهور
.........................
برنسيس سارة
.