قصيده كلميني كلماتي
والقاء همس الورد
()
كلميني
لملميني
واسأليني ليه بحبك
واسألي الأيام ف بعدك
لونها إيه
كلميني
قربيني
واسأليني ليه عشقتك
واسألي اﻷيام ف قربك
حلوه ليه
كل حاجه، ساكنه فيكي
نفس إحساس القمر
قلبي نجمه بين إيديكي
عاشقه أيام السهر
كلميني وارجعي. كوني ليا
كلميني واعشقي .كل اللي فيا
حسي بيا لو للحظه
كوني لمسه زي همسه
واحضنيني وحضنك
كوني لوني ،، زي كوني
خلي حزنك يهجرك
شئ أناني،،فيك سؤالي
واﻹجابه بعشقك
ليه ف قلبك بعد عني؟
ليه ف قلبي قرب منك؟
ليه كلامك غير عنيكي؟
فيها حب بيسبقك
ليه دموعي ساكنه فيكي ؟
وقلبي لسه بيندهك ؟
قلبي مهما كان هيبعد
برضو قلبي هيسكنك
نفسي نظره وابوس عنيكي
وف منامي واكلمك
كلميني عن حياتك
وحكي عنها كل شئ
كلميني م اللي حبك م اللي عشقك
ماللي عدالك طريق
كلميني واذكريني
والمحي ف عنيا حبك
واحضنيني ووعديني
إني هبقي يوم ف قلبك
كلميني ع اللي فات
والالم والذكريات
وانسي نفسك بين جفوني
وانسي حزنك جوه لوني
بين إيديا تكوني أسعد ماللي عدا ف كل صورتك
كلميني،، لملميني،، قربيني،، واحضنيني
واسأليني ليه بحبك
واسألي الايام ف بعدك
لونها ايه،،،،،،،،
واسأليني ليه عشقتك
واسألي الأيام ف قربك
حلوه ليه ،،،،،،،،،،
()
بقلم : ياسر_ التومي
.