حبيبتي .. يا مصر
يا مصر يا حبيبتي قومي
بقه .. وخفي م الرقدة
منتي شايفة بلاد
كتير حوالينا
النار فيها قايدة
وأوعي .. تخافي
أبدا .. يا مصر
دي سنين الظلم
السودة . راحت خلاص
وتاني مش عايدة
والله . . لو هدافع
عنك .. بلبس الكفن
عمري أبدا ما هسيب
طغيان ... يجيلك
بفكره ... العفن
حتي لو معييش
فلوس .. حق الكفن
هلبس .. شوال خيش
أهي .. حاجة تستر
وممكن . أدفن بيه
ويبقي عندي
أغلي وأحلي كفن
والأحلي .. عارفة
أني هدفن .. فين
في .. تراب الوطن
