ياحبيبتي ياأغلى الناس
ياأم القوام مياس
إظلمي فيا براحتك
ظلمك ع العين والراس
ياأم العيون غزلاني
ياأم الخدود ورداني
حني ياروحي عليا
ماتعيشنيش وحداني
أنا عايش بس عشانك
بتنفس عطر ريحانك
وأستطعم طعم الكلمة
سكر على طرف لسانك
هلي وطلي عليا
برموشك متحنية
ومراود كحل السحر
تكحلها وتسحر فيا
ولقيتني شوية شوية
مش شايف حاجة بعنيا
غير صورتك بس ياروحي
إللي إنطبعت في عنيا
يانن عنيا ياروحي
ياملهلبة كل جروحي
حلفت روحي لتروح
وراكي مطرح ما تروحي
إمتى تخبطي على بابي
ياللي كعابك عنابي
أنا دوبت خلاص مش فادر
الرحمة ياأعز أحبابي
بقلم طارق السيد