"عن الإعلام أتكلم "
لما نتكلم عن إعلامنا يعنى صورتنا الى بتمثلنا قدام العاالم كله ....طاب إعلامنا الجميل إلى بنفتخر بيه وبنصدقه عباره عن ايه ببساطه من ناحية الإعلانات والبرامج فما اكثر من برامج الطبخ والسمنه الفلاحى الواحد ياكل من هنا ويقوم موقع على هدومه تقوم تيجى إعلانات برسييل واوكسى الى بيضيع البقعه الصعبه كفايه انهم بيجبونا بنوقع اكل على هدومنا يعنى شعب بيفهم فى الإتيكيت اوى ومحافظ على مظهره وكمان شعب نضيف صح ...نيجى بئا عند أفلامنا إلى شركة معينة بتنتجها وسبب فخر دولتنا وافلامنا الى بتوصل للعالم كله ثقافتنا دى عباره عن ايه ..عباره عن بلطجى وشوية آسفة فى اللفظ راقصات وشوية ممثلات" كاسيات عاريات" ......طاب سيبنا من دا كله نيجى على البرامج السياسيه شويه تفتح قناة مش عارفه ايه جايبه مشاااكل مصر كلها وايه الى بيحصل فيها بتفكرونا يعنى ما احنا عارفين الى فيها امتى المشاكل دى تتحل .نغير القناه مظاهرات ودم وقتل وارهاب فنزعل اوى ونقوم مغيرين القناه مصر بتفرح يا مصريين احنا عدينا بر الامان خلاص مصر جميله اوى طاب نصدق مين ولا مين ........... بعد دا كله وصورتنا الجميله قدام العالم كله مستنيين ايه #نقاطع الاعلام ولا #نغير الجنسيه #ولا نفضل ساكتين ونتفرج على دى ودى ودى
ولا نثور ونتكلم ونقلب الدنيا وندخل السجون ومستقبلنا نضيع ..شكلنا هنسكت ونتفرج على دى ودى ودى
................ خواطر #رانيا
