// حاسس بغربة //
حاسس بغربة ما بين الناس
والدنيا حالفة تبكيني
مالقتش رحمة مفيش إحساس
وحدود كثير بينها وبيني
مش عايز اكون عايش وخلاص
مش عايز تخدعني سنيني
أنا عشت حياتي كأني غريب
لا ليا أهل ولا أحباب
ولا كنت يوم بتمني حبيب
عايش لوحدي وقافل الباب
يا طريق رسمته بدمع عينيا
في نهايته لقتني رسمت سراب
وحيد والكل حواليا
وشوش غريبة وعالم كداب
الفرح فارقني وودعني
والكل مصمم يخدعني
ولو نطقت في يوم الأه
يلوموا علي جرحي اللي وجعني
كلمات / علاء حورس
