لا تقطفي. .بقلم الشاعر. .صبحي ياسين

.....روعة المخلوق والخالق
يا جذع النخلة ... أنيت ليه ؟
لما الرسول وقف ع المنبر وسابك
يا عمر ... أمنت ازاي .. وخشع قلبك ؟
لما الأسلام .. خبط علي بابك
يا مكة يا أم القري .. بتفرحي
ليه ... لما ييجوا .... حجاجك ؟
بتتشوقي ليهم كل سنة
عارف أن هما أحبابك
يا كعبة يا مشرفة بكسوتك
الكل طمعان ..
يقف علي بابك
يا مدينة يا منورة ..
دايما .... منورة .. عشان
الرسول كان من ... سكانك
يا جبل أحد .. أتهزيت ليه ؟
لما الرسول .. وأصحابه
وقفوا علي ضهرك
هو ده ... من شدة أعجابك ؟
والأ .. جالك أعز أحبابك
يا صخرة الخندق
قسيتي ليه ؟ عشان الرسول
يمد أيده الشريفة .. ويحطمك ؟
وبكده .. الفخر .. ينتابك
...............................
يا خليل الله يا إبراهيم
الكفار تأمروا عليك
وجمعوا وحطبوا حواليك
مين اللي .. برد وسلم نارك ؟
.................................
يا صاحب الحوت يا يونس
مين اللي سمع
دعائك .... في الظلمات ؟
ومين اللي ...
من بطن .. الحوت نجاك ؟
...............................
يا كليم الله يا موسي
مين اللي خلي
فرعون هو اللي يرعاك
ومين شق لك البحر
ومين اللي قالك
أضرب البحر بعصاك ؟
...........................
يا خيل يا بتاع الفوارس
مين اللي سخرك لينا
وبقوتك .... تعدينا
ومين اللي .... جراك ؟
...........................
يا نخل يا للي ف العالي
ياللي بترمي تمر
للي يرميك بحجر
مين علمك الحب
ومين ثبتك ف الأرض
ومين اللي .... علاك ؟
...........................
يا فراش مين لونك وزهزهك
ما أجمل .... رقتك
وما .. أبهي الوانك
...........................
يا طير مين طيرك
عارف سكتك .. ولا
تتوهش أبدا .... عن مكانك
..............................
يا شهد ويا عسل
مين اللي صفاك ونقاك
ومين اللي ...بالطعم حلاك
..............................
يا نبي الرحمة يا محمد (ص)
بلغت الرسالة وأديت الأمانة
وذكرتنا .. من زمان لأصحابك
وقلت علينا أن أحنا أحبابك
ومهما طال بينا الزمن
عمرنا أبدا ولو لحظة هننساك
هنتقابل ف الجنة بأذن ربنا
ويا رب ..... أبدا
لا يحرمنا ... من رؤياك
_________________
بقلم : عصام إبراهيم