لا تقطفي. .بقلم الشاعر. .صبحي ياسين

مش بهزر
احمد صبري
-
انا مش بهزر
انت اللي بتهرج
قدرت تشوفني بتقطع
ووقفت تتفرج
وانا اللي كنت عايش حياتي
عشان خاطرك
سيبت روحي وامنياتي
تحت امرك
اديتك عقلي وتفكيري
اديتك اكتر
وشوفت بعيني غيري
وهو بيسيطر
انا مش بهزر
-
احلف انك بتحبني
وخلي روحك مصدق
احلم انك بتذلني
وانا فرحان وبعشق
افرح بعذابي معاك
يعدي اليوم مابفطر
اسمع حليم اهواك
انت طلعت اشطر
انا مش بهزر
-
لو بتعبك ارتاح
شوف هتروح لمين
انت تحب الافراح
وانا شاعر حزين
محتاج احس حنان
حب يعرف يصبر
عايز حضن امان
قلب بيعشق ويقدر
انا مش بهزر
-
مش بهزر انا
وانت كده بتخسر
كنت الهنا والمنا
كنت حلم بيكبر
صغرت في عينيا
اد كده واصغر
هكتب لك اغنية
نام بطلت اسهر
انا
مش
بهزر
الفنان