بعد أربعين عام
نزل وحى الإله إقرا..
من منبع الحكمه
لا كهنه ..ولا شعرا ..
وكنت خايف ..
ربط ربك على قلبك ..
وحضرك بعدها
يا طه للإسرا ...
............................
وشملتك نعمته
ورحمته وهداه
وازاى هنحكى
على اللى أدبه مولاه..؟
وعلمه الحكمه
وعشانه رحم دنيا ..
بحالها عايش ف أرجائها
رسول الله ...
...........................
ليه أمتك بعد منك
تبقى م الأشتات
إتفرقت ألف شيعه
وعزمها ليه مات ..؟
الإعتصام راح..
ولاح البغض والفرقه ..
صبحوا وهما كتير ..
قلّه ..وم الأموات ...!!
..............................
هجروا الكتاب والسنن
وإستبدلوا بيهم ..
ميت ألف نظريه
حفظتها زراريهم ..
وباعوا دينهم بقشره
فالصوا تلفانه ..
فشلت فى إصلاح صحابها ..
إزاى حتهديهم ...؟