ياروح الروح يامنايا
يالحن جميل في غنايا
وأجمل كلمة إتكتبت
في سطور أحلى رواية
ياحبيبي يابو دم خفيف
وف رقة نسمة صيف
تعالى إنهيلي عذابي
ولا أنا تعذيبي ع الكيف
ياروح الروح ياحياتي
وأجمل حاجة ف دنياتي
ياعنيا رد عليا
ليه تسيبني لوحدي أهاتي
تعالى خلي الفرح يعم
نفرح ينزاح الهم
نكتب أسامينا على شجرة
تحفظها العصافير صم
تعالى نعيش أيامنا
نجري ونسبق في خيالنا
وخيالنا يجري ورانا
يتمنى يكون ىقدامنا
علشان يسرح فيك
في السحر المالي عنيك
ونقوله إرجع ياخيالنا
محناش فاضين ليك
الشمس الطلة علينا
بتنور وتدفينا
وليها ميعاد بتروح
تنده لقمرنا يجينا
يجي قمر الليل وينور
ويقول سبحان من صور
إللي إداك يدينا
ياقمرنا ماتحسد فيا
خليني أفرحلي شوية
سيبني أحلم ولا أنت
مستكتر حلمي عليا