بتقطف الورد ليه
وتعتب عليه
انت مش عارف
للورد شوك
وقبلت بيه
خليته ليه يدبل تانى
كنت سيبه يا انانى
يمكن غيرك
يعطف عليه
ويخلى العطر
يفوح فيه
بعملتك قضيت عليه
بتقطف الورد ليه
الورد يفتح اوراقه
لفراشه تحس بذاته
ويهديها كل حياته
الغريبه تشبع تطير
وتروح على ورده تانيه
تقولها مالكيش نظير
انتى اللى فيكى
هاعيش اسير
الورد رغم اشواكه
عايش جميل
بتقطف الورد ليه
ضمه واعطف عليه
وللحبيب اهديه
ولما يهجر وببعد
ورده يفكرك بيه
مرسال غريب فى طبعه
وكل الجمال فيه
يرق قلب الحبيب
لما يفوح العطر فيه
بس الحبيب يراعيه
ولما يدبل بين اوراقه
يبقى ذكرى وتتنسى
لما الحبيب يرميه
بتقطف الورد ليه
