زهقــــــــان..... طهقـــــــــــان
زهقان ياخلق من حالي أشق توبي واطلع من خلاجاتي والا اعمل ايه
من الفجر قايم علي الرزق حاير شارب من كيعاني كوز الشقي بمريه
الفقرقاعد في سكتي والعيا ساكن جتتي والدوا غالي وتمنه فيـن الاقيه
قالوا كنت اتعلمت يافقري قلت كان بدري وشعرالشـيبه كِــيف اداريه
كان نفسي اقرا واتعلم بدال مااني مـــبلم بس اللي اتعلموا أخــدواإيه
شايف الشباب ضايع ولدنيته بايع وشكوته سامع ولا حد حاسس بيه
عندى واد فالح في العلام ناجح بس مش عارف مصيره حيكون ايه
باقومه من بدري علي المدرسه يجري وهوما يدري بكرة ايه مخبيه
عندي واد من الجامعه متخرج قاعدعلي الدنيا يتفرج يا حسرتي فيه
شاف مرة اعلان عن وظيفة لبس وحط ريحة وخد منى خمسة جنيه
طلع وانا بادعي يفكها عليك يابنى ورجع من تاني والهم حاطط عليه
قاللي الوظيفة راحت خدها واد البيه الكبيرسامح اصله متوصي عليه
وجه وقعد ياولداه جنبي وقلبي عليه بيبكي ومش قادرابص في عينيه
ياللي فُوق فوق ده احناغلابة والاالفقرمكتوب علينا نعيش ونموت بيه
ده كتر المرار في الحلق ضيق الخلق وكل الخلق ياناس عايشة فــيه
محمد ابو الفتح
