المنين شبه الدايت ....
كيلو دقيق اسمر او خليط من اسمر وعادى .. كوب وربع زيت زيتون ... كوب سمن سايح ... ملعقتين حبة بركة كبيرة ... ملعقتين سمسم كبار .... ملعقتين شمر محمص ومدقوق شوية صغيرة ... ملعقتين يانسون ... م ك ملح .... قطعة خميرة كبيرة شوية ... ملعقتين سكر للخميرة ... ماء دافى للعجن
الطريقة ...
ننخل الدقيق وعليه كل المواد الجافة .. نخلطهم كويس ... ندوب الخميرة مع السكر ونصف كوب ماء اقل من الساخن علشان البرد
نسيح السمن بس سخن وعليه الزيت
نضيف الخميرة وسط الدقيق ونعجن ع الرخاااااامة مش ف طبق .. نخلطهم ثم نضيف السمن والزيت ونبس الدقيق براحة الكفين حتى امتزاج الدقيق بالزيت كويس اوى
نعمل حفرة نضيف شوية شوية من الماء الباقى وهو سخن شوية ونعجن كويس كتى تجانس العجينة لمدة عشر دقائق
نكون مسخنييين الفرن .. نلف العجينة وهى ف طبق بنايلون ونحطها ع البوتاجاز من فوق حتى تتضاعف
ناخد اجزاء وبالمردانه نعمل مستطيلات ونقطعها اصابع كما هو مبين بالصور
نرصها ف صاجات متباعدة زى ماهو واضح من الصور ومرة تانية نسيبها تخمر نص ساعة ...
نخبز بالرف الاوسط ع ح 200 نشعل تحت حتى ياخد لون ذهبى من تحت
نشعل فوق وننتبه ما بتاخد وقت
نغطيها بعد الخروج من الفرن عشر ق بقطعة قماش
حاضرة ﻷى سؤال
وصحتين وهنا مع @@@ سلوى و ليالى @@@
