لا تقطفي. .بقلم الشاعر. .صبحي ياسين

بعشقها وبعشق تفاصيلها
وبدوب ف عنيها وضفايرها 
والورد الساكن في ايديها 
والنجم اللي بيعزف ليها

الحان بيرددها الكون
مع شجرة توت بتغنيلها
الشعر الاسود هفاف
والقلب الابيض شفاف
والضحكه عروسه بتتذوق
والشفه جناين تتذوق
لما بشم هواها الصافي
وانام علي ركن ف ضفايرها
الدم اللي بيجري ف جسمي
والحرف التالت من اسمي
مع واو العطف وكلمه حي
الفرحه الحلوه وقت الكي
النور ل عنيا الهوا والضي
انا بعشق ليلها
صوت الوشم اللي معلم
علي قلبي وقلبك بيسلم
وبيبعت للكون سلامات
مزيكا وحبة هتافات
بتقول لل سبع قارات
ان معالم الكون السابقه
قاره ف قلبي هتبدلها