متلزمنيش
********
وقالت لي متلزمنيش
مدام قلبك خلاص باعني
مدام حبك ملوعني
مدام بايع ومستغني متلزمنيش
غُلبت أدادي وأحايلك
وقلبي معاك ومش طايلك
ومهما أقول ماتسمعنيش
بتبقى إيديه حاضنة إيديك
وعيني تتوه في سحر عنيك
وقاعدة معاك وماتشوفنيش
ماهيش فارقة معايا كتير
مدام قلبك ماعاد بيغير
وبستنى كتير مواعيد ولابتجيش
حبيبي خلاص هأبيع زيك
وهأفطم قلبي عن حُبك
وهأنسى هواك ووحدي هأعيش
عشان الدمعة فى وجودك مابتسبنيش
متلزمنيش...( بقلم / علاء زايد )
