دقيقه سكوت لله
دقيقه واحده مش اكتر
مين اللى غير
طعم الحياه
ف الريف والبندر
وزرع الفساد فى ارضى
مين اللى طلق الا اه
والمواجع فى الشوارع
وجسم بلدى
مين اللى خلى العقل تاه
فى راسك يا ولدى
مين اللى ملاكى جروح
وخطف منا الامان
مين اللى سرق سفينه نوح
وسابنا فى عز الطوفان
مين اللى عملك لعبه
وسيرك وشقلبان
وخلى ظروفنا صعبه
شبعان بياكل جعان
مين اللى خلى الباطل
فيكى يتمادى
والحق بقى غلطان
مين اللى بيماطل
وفرشك سجاده
لجزم الامريكان
وحكام صهيون
مين اللى بيخون
مين اللى بيصون
مين فينا عاقل
مين فينا مجنون
مين اللى خلى الظلم
فيكى شرع وقانون
مين للى بيدوسك
مين اللى قتل الحلم
وبدله بكابوسك
