أنا بحكم على الناس بالفطره
ودي حاجة تودر على فكره
فالحكم بيطلع مش هو
علشان الظاهر من بره
بقى غير الكامن من جوه
والكل بيهوى التمثيل
غير مسح الجوخ والتهليل
ع القبح يقولك ده جميل
حتي الإحساس ناقصه مروه
والحق يضع لو بالعافية
وكرامتك تصبح بلا أفيه
عريانه بتنده على حافية
لو ينقص م الحق القوه
غلبان وبيشحت ضحكايه
عملوها مسلسل وحكاية
طلع المذكور كان في حمايه
والبند بيسمح ب إخوه
عطشان إحساس وكلام دافى
وأنا أشيل الهم على إكتافى
لو لسه عذابى ماهوش كافى
عذبني كمان انت وهو