يا وجع السنين
مرت بينا السنين
سنين طويلة
سنين شديدة
وكمان عجاف
حرقت ماخلت
أرض خضرا .و. نشاف
وناس كبار
أكلوا ماسابوا
حتى الكتاف
وملوك حصدوا ماخلوا
كل السنابل
أخضر ويابس
والوش عابس
والكف ناشف
واللي زاد وغطى
أمير كمان
أعمى ما شايف
ﻻ عنده فى الحسبان
ناس سﻻحها الإيمان
وﻻ من رب خايف
عشنا سنين طوال
سبنا البر كله
مشينا تحت الحيطان
ومن على يعلي كمان
وإن حب يعلى
واسطه وعيله
وفلوس كمان
عشنا ف ممات
كنا نقول
كفاية الأمان
عشفنا وشفنا
وخدنا م المر نايب
صغير وشايب
سكتنا عن كل الكﻻم
كنا مستننين
يوسف..... ( عليه السﻻم )
يوم يجينا
ياخد إيدينا
يعدل ما بينا
يقسم نوايب
مذنب وتايب
ما كنا نعرف
إن العيوب
جوه الجيوب
سبب المصايب
والرب غاضب
عمره ما يرضى
عن قلب غافل
وعقل قافل
كل البيبان
رافض ما قابل
علم وبيان
.
