لا تقطفي. .بقلم الشاعر. .صبحي ياسين

بطاقة شخصية لعربي مجهول الهوية 

للكاتب/تامر المأمور 

الاسم: كان

الاب: الزمان 

العنوان: تايه ملوش مكان

الصورة مشوشة 

والحالة منعكشة 

تاريخ الميلاد. اكيد بعد الميلاد 

.....

ندخل في الموضوع 

بدون ضرب وكلام مش مسموع 

في مرة وانا ماشي شفت طيارة بطير

وايه الغريب في كدا ماهي لازم تكون بطير

المهم مش في انها بطير

اللي يوجع انها بتقتل ومش بتفرق بين صغير وكبير

بين طفل مسكين وبين عدو ملوهش ضمير

المهم قولت انفد بعمري واستخبي بين البيوت

اهرب من صوت الدم والموت

البيوت بطير اهرب فين وقعت نفسي في مشكلة

بصيت لقيت حفرة مضلمة 

دخلت فيها وافتكرت اني فيها لوحدي

لكن الحقيقة مؤلمة

لقيت واحد بيقولي انت مين

الله يخربيتك نشفت دمي انت اللى مين

قالي انا عربي

قولتلوه نعم انت هنا لوحدك

قالي لا

كل العرب هنا موجودين 

اظن عرفتوا انا مين 

سلامي لكل النايمين........... الكاتب تامر المأمور