مش مهم الناس تقدر
مش مهم الناس تشوف
واللي يفهم صح يفهم
يبقى شكرا للظروف
واللي فاهم انى هغلط
ولا هزعل منه وأسخط
ولا فيه أنا ناوي أخبط
يبقى فعلا واد خروف
أصل أنا للناس مسقط
مش في بالي الناس تقول
واللي بايع فيه بفرط
حتى لو كان فيه قبول
هي ناقصة الناس تحاكمك
أو تحاسبك ليه وفين
مش كفاية اللي انت شايفه
هو يعني فرض عين
إمتى تبقى الناس في حالها
كل واحد شاغله حاله
هي ايه الناس جرالها
ولا فين اصلا ريجالها
والرجولة فين جلالها
الجلال سايق دلاله
والدلال ديما سؤال
عن حاجات مالكش فيها
والإجابة دي إحتمال
بس ديما بتلاقيها
إن ده عنصر شمال
والحلال تتسلى بيها