لا تقطفي. .بقلم الشاعر. .صبحي ياسين

خد نفسك طيب
****
ليه مستغرب .. ؟؟
مش مستوعب
مين بيخرب
مين بيهبب ؟!
مش
كل الناس
للغدر ترتب  !!!!!!
***
خد نفسك طيب
عم اهدى وركز
مش مستاهله
اطلع نخله ..
واركب بغله
واجيب طياره
والف الحاره
اصلى بدور
عن عقب سجاره
****
ولا محتاجه
اقف اتنطط
والعب حجله ..
واقع اتبطط
اصلى انا آكل
القرن مشطشط
***
خد نفسك طيب
استهدى وركز .
ب العقل اتعكز
مش كل صوابعى
ف الطول بالسنتى

ولا كل الخيل ده
المهر  العربى
وان كنت مصمم
ع الوحشه تعمم
قبل ما تتكلم
شق افتح قلبى
ع النيه و تممّ
لكن ف الاول
"خد نفسك طيب
واستهدى وركز "
****
كلمات
بهاء اللبودى