لا تقطفي. .بقلم الشاعر. .صبحي ياسين

انا اللي ماشي ألملم وراكم
انا اللي باكل من رميكم
سقعان جعان ولا يهمكم

مانا الموعود

وعليا مكتوب اشوف كمان ضحككم
ولا ينفع احلم اكون زيكم
ولا حتى اشحت في حيكم

مانا الموعود

وكمان المنسي والمرمي
والنايم في حضن كلبي
احن عليا من بني جنسي
اسف
لا انا مش من جنسكم
انتم اسما بشر
اجساد وطباع شياطين
ونار نفوسكم لاتبقي ولا تذر
ولا شئ منكم منتظر

مانا الموعود وانا الخطر

ياناس عاله وكمان في طبعكم حساله
فين الرحمه بين البشر
قلتم علينا وباء والمجتمع في خطر
خايف من جنسكم بين الموعودين ينتشر

انا الموعود والجعان

بس لسه رغم جوعي انسان
حنين بلا رحمه وحنان
ومن غير غطاكم مسطور ودفيان
لا بيا وبا ولا كنت في يوم تعبان

انا الموعود بيكم

مرتاح بعيد عنكم
وعنكم الله يغنيني ويغنيكم
لاعايز حنانكم ولا شفقه
سيبوني بس في حالي الله يخليكم