بقلم ( ابوتریکه )
( واحد / واحد ) ١ / ١
واحد لیه اخ واحد
بس الطبع مش واحد
واحد مش شكل واحد
والزمن والدنیا واحد
كل واحد شاهد لواحد
والفراق بس قدر الاثنین
واحد عنده جبروت وغرور
والتانی بالتواضع ماءسور
واحد بجرح القلوب مسرور
والتانی یاعینی جناح مكسور
شاهده علی مین یا دنیا
ومین خسران ومین منصور
واحد خبیث خبث الدیابه
والتانی ملك ملوك الغلابه
واحد کلامه نیران دبابه
والتانی كلامه نغمة ربابه
هو مین ظالم یا امایا
ومین فینا مظلوم یابا
واحد مقضیها افتری وکدب
والتانی عایش حیاته غلب
واحد معندوش رحمه للقلب
والتانی جمعیه خیریه للحب
شاهد یازمن معاه ولا معایا
ولا ناوی علینا اللعب
واحد بیخسر الكل بقسوته
والتانی راضی بذله وبقسمته
واحد بیدور بس علی فرصته
والتانی فرح الناس همه وقصته
هو لو جانی علیا
برده اخویا وفرحتی هی فرحته
واحد بیعایر التانی باللقمه
والتانی الملح عنده نعمه
واحد بیحب یفرکش اللمه
والتانی ماشي بضمیر وبذمه
لو انا ظالمك یا اخویا
یارب اعيش عمری اعمی
واحد بیحب دایما یتمنظر
والتانی قلبه زرع اخضر
واحد بالتناکه عامل عنتر
والتانی بالطیبه بیتغندر
متلخبطه القصه والحکایه
والعقل شارد سارح وبیفکر
واحد دایما بالفلوس بیستقوی
والتانی بحب الناس هو الاقوي
واحد بکام وش ومساومه
والتانی من الظلم بیتلوی
كل واحد خسران حاجه
ومین فیکم بس یا ساده
یقدر یحکم علینا بضمیره
ویقولنا اخر تعليق وفتوی