لا تقطفي. .بقلم الشاعر. .صبحي ياسين

فرج قريب
ياللي بتسألوا عن أحوالي
أبوس في إديكو سيبوني في حالي
إنتوا بتسألوا ولا بتشمتوا
مانتوا ياناس عارفين أحوالي
أنا الغلبان أنا التعبان
أنا الصدمان أنا العدمان
أنا إللي دنيتي طحنت فيا
بنعل رحايا حجر صوان
نفسي أرتاحلي يادنيا شوية
نفسي أحس إن أنا إنسان
ولو يوم واحد خالي أذية
حياتي كلها عشتها حرمان
فين الرحمة فين الحنية
نفسي أشوف شكل الألوان
اللون الإسود مالي عنيا
ودايب في الهم أنا دوبان
ولو بالصدفة زارتني الفرحة
ألقى نسور الدنيا الجارحة
بتنهش فيا ياناس علشان
لحمي أنا موصوف ليها دواها
ماترتاح إلا ماعضمي يبان
وفجأة سكن في وداني آدان
الله أكبر الله أكبر
لبي ياعبد ندا الديان
روحت بشوقي أصلي وأكبر
وأركع وأسجد للرحمن
بكيت ودعيت يارب سامحني
سامحني يارب إعفي وريحني
وبعد صلاتي إتبدل حالي
هديت نفسي وإرتاح بالي
إتوكلت على الرزاق
والرزاق من خيره إدالي
بقلم طارق السيد