الحب مش كلام
الحب مش كلام ومغازله بكلمتين
ولا نظره والسلام ولا غمزه من العينين
ولا ضحكه وابتسام و خاتم مع دبلتين
الحب مش الام ولا دمعه ع الخدين
ولا عمره كان حرام وكل العشاق شاهدين
تعريف الحب
الحب يعنى انسجام مابين روحك وروحى
فى عمق قلبك انام وتكففى لى جروحى
وحتى لو فيه خصام لازم بحبى تبوحى
نفرح مع الايام مع نبض قلبى تروحى
واحبك
اقولك باحبك واحس بحروفها واقسم بربى تعيشى ف امانى
وفرحه فؤادى ف عيونك باشوفها وصوتك مرايا بتعكس اغانى
وشمس المحبه تدارى كسوفها اضمك لحضنى وتشرب حنانى
ودنيا السعاده بروحنا نطوفها وعيونك الجميله بتضحك عشانى
شعر احمد اسماعيل \شاعر العرب
