مهما أوصف يامه ليكى
حب فيكى مايتحكيش
لوكتبت الشعر فيكى
البحور ماتكفكيش
يعنى إيه اكتب عن امى
والكلام هيفيد بإيه
أصلها ساكنه فى دمي
ونبض قلبى شريكه فيه
مهما أكتب ولا اقول
أصلها سر القبول
لما تدعى أمى ليا
تضحك الدنيا فى عنيا
والقى كل الكون براح
أمى يعنى حنان وطيبه
يعنى شمس ف نور صباح
لوتعبت ف يوم يا أمى
إنتى بتكونى الطبيبه
أمى يعنى حاجات كتير
يعنى حب بدون مقابل
يعنى تسهر لاجل انام
علمتنى كل حاجه
اول مابدات الكلام
علمتنى الإحترام
والصلاه وقت الأدان
فاكره يا امه أيام زمان
فاكره ف بداية الكلام
لما قولتيلى حبيبى
لما تاكل باليمين مش بالشمال
ربنا يخليكى ليا
ياللى حاسه باللى فيا
لما خدتينى فى حضنك
قلبى داق طعم الأمان
إسألى دمى ف وريدى
لما جيتى مسكتى إيدى
لمسه من إيديك يا أمى
روحى حست بالحنان
حسن ورداني