لا تقطفي. .بقلم الشاعر. .صبحي ياسين

مصرك هى أصلك
مصرك هى أصلك
فى عشك أو فى قصرك
إجرى عليها وامسك اديها
عدي بيها من كل صعب
هى اللي ربت هى اللى حبت
هى اللي علت فى يوم ماكلت
تاريخك يامصر أصل الحكاوي
على شط النيل غازلينه غناوي
فيكي الحضارة كانت منارة فى عز الغيوم
كنا السفينة وكنتي الفنار ان تهنا يوم
وانا عاشق عبيرك  فى زهور ربيعك
وهرمك ونيلك وقمرك فى ليلك
إيه اللي صابك وعكر ترابك
ياللي الأصاله سايرة فى ركابك
مين ياترى عليكي ساب كل الكلاب
مين بايده بيرسمك بلون الضباب
بامصر والله شعبك أصيل
واقف وصامد زى النخيل
صادد ورادد مكر الدخيل
راصد وقاصد رد الجميل
انا المصرى وليدك
وهفضل رضيعك
وضد الفطام وفى ايدى اللجام
ورافض لخيلك يدوس نخيلك
ونخيلك تملى باصص لفوق
حامى حماكى من كل سوء
يارب يافالق الحب والنوى
ياخالق الداء ومعاه الدوا
تحفظ لينا مصرنا
من كل عدو متربصلنا
أو فتنه دايره على ارضنا
شيطانها شاطر من ضعفنا
أو عندنا أو حتى يمكن من جهلنا
بقلم طارق السيد